На мяжы растуць чэргі на ўезд у Польшчу, выезд аўтобусаў назад у Беларусь моцна затрымліваецца
Падтрымаць каманду Люстэрка
Беларусы на вайне
Читать по-русски


/

На выездзе з Беларусі ў Польшчу да поўдня 26 красавіка сабралася 1760 легкавікоў і дзясяткі аўтобусаў, чэргі ёсць і на літоўскім кірунку, паводле звестак маніторынгу Дзяржпамежкамітэта. Тым часам выезд аўтобусаў з суседніх краін у Беларусь моцна затрымліваецца.

Очередь на выезде из Беларуси в Польшу. 26 апреля 2025 года. Фото: Госпогранкомитет
Чарга на выездзе з Беларусі ў Польшчу. 26 красавіка 2025 года. Фота: Дзяржпамежкамітэт

На 12.00 25 красавіка ўезду ў Польшчу ў пункце пропуску «Брэст» чакалі 1760 легкавікоў і 65 аўтобусаў. З паўночы чарга прыкметна вырасла.

На літоўскім кірунку ў «Беняконях» стаіць 30 аўтамабіляў, у «Каменным Логу» — 50. Чэргаў з аўтобусаў не назіраецца.

Як паведамляе сайт польскай Памежнай службы, у зваротным кірунку, на ўездзе ў Беларусь, легкавікі і аўтобусы стаяць у чарзе прыкладна гадзіну.

Між тым «Мінсктранс» паведамляе, што некаторыя аўтобусы з Польшчы і Літвы адпраўляюцца ў Беларусь са значным спазненнем.

Так, аўтобус Варшава — Мінск (АН8303−7) выехаў са спазненнем на 5 гадзін: замест 7 раніцы адправіўся ў 12. Аўтобус Вільнюс — Мінск (АН8590−7) таксама затрымаўся: з літоўскай мяжы ён выехаў толькі ў 10.16, хоць мусіў, а 8-й. Прычына ў абодвух выпадках — доўгае афармленне на мяжы.

Чытайце таксама