CNN: У выніку крушэння верталёта ў Нью-Ёрку загінулі топ-менеджар Siemens і члены яго сям'і

Топ-менеджар Siemens Агустын Эскабар і члены яго сям'і знаходзіліся на борце турыстычнага верталёта, які 10 красавіка зваліўся ў раку Гудзон, паведаміў тэлеканал CNN.

На борце знаходзіліся кіраўнік іспанскага філіяла кампаніі Siemens Агустын Эскабар з жонкай і трыма дзецьмі. Сям’я прыбыла ў Нью-Ёрк з Іспаніі і выправілася на верталётную экскурсію над горадам па папулярным турыстычным маршруце.

Верталёт належаў турыстычнай кампаніі New York Helicopter Charter.

Нагадаем, 10 красавіка каля 15:17 паводле мясцовага часу (22.17 паводле мінскага) верталёт страціў кіраванне і зваліўся ў раку Гудзон. Прычына інцыдэнту высвятляецца. Паліцэйскія дасталі з вады целы чатырох чалавек.